Texnologiya · 12 oktyabr 2026

Telefon ekranındakı yaşıl nöqtənin mənası nədir?

Telefon ekranında görünən yaşıl nöqtə kamera və ya mikrofonun aktiv olduğunu bildirir, amma bu sındırıldığını və ya izlənildiyini göstərmir.

Telefon ekranında kiçik yaşıl nöqtə yalnız bir işarədir və bu, tətbiqlərin kamera və ya mikrofon istifadə etdiyini göstərir. Lakin bu, telefonun sındırıldığı və ya sahibinin izlənildiyi mənasına gəlməyib. CHIP.de nəşri bu işarənin hansı hallarda diqqət tələb etdiyini izah etmişdir.

iPhone istifadəçiləri üçün yaşıl nöqtə kameranın, ya da kamera və mikrofonun birlikdə aktiv olduğunu, mikrofonun yalnız istifadəsi halında isə narıncı işarə görünür. Android telefonlarında isə yaşıl işarə hər iki cihazın aktivliyini göstərir.

Foto və video çəkmək, görüntülü danışmaq kimi funksiyalar zamanı bu işarənin normal olaraq yanması gözlənilir. Ancaq bu funksiyalardan istifadə etmədiyiniz halda nöqtənin yanması halında, hansı tətbiqin bu funksiyaya giriş etdiyini yoxlamaq tövsiyə olunur.

iPhone-da İdarəetmə Mərkəzini açaraq, ya da Androiddə ekranın yuxarısından aşağı sürüşdürərək yaşıl işarəyə toxunaraq hansı tətbiqin bu funksiyalardan istifadə etdiyini görə bilərsiniz. Daha sonra həmin tətbiqin icazə parametrlərini “Parametrlər” bölməsindəki “Məxfilik və təhlükəsizlik” menyusundan yoxlaya bilərsiniz. Androiddə isə məxfilik və tətbiq icazələri bölməsində bu seçimlər mövcuddur.

Tətbiq kamera və ya mikrofon tələb etməsə, bu icazəni ləğv etmək mümkündür. Tanımadığınız və istifadə etmədiyiniz tətbiqləri də nəzərdən keçirmək, təhlükəsizlik üçün faydalıdır.

Mənbə: Lent.az — Azərbaycan